Plantun de Prouvènço

Pèr coumpara dos planto d'encò nostre

Sphenopus divaricatus & Rhododendron ferrugineum

Sphenopus divaricatus

Poaceae Graminaceae

Nom en français : Sphénope.

Descripcioun :
Aquéu pichot gramenun prim trachis en ribo de sansouiro e dins li pelouso salado pas trop liuen de la mar. Lis enflourejado soun proun divaricado e porton d'espigueto mistoulino de 2 à 3 mm, amé la glumo de dessouto courteto ( < 0,5 mm), que caup de 2 à 5 flour dis antèro vióuleto e sènso arèsto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Sphenopus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Printèms

Sòu : NaCl
Autour basso e auto : 0 à 50 m
Aparado : Noun
Abriéu à mai

Liò : Sansouiro - Pelouso - Mar
Estànci : Termoumediterran à Coulinen
Couroulougi : Mediterrano-Touranienno
Ref. sc. : Sphenopus divaricatus (L.) C.E.Hubb., 1953

Rousage

Rhododendron ferrugineum

Ericaceae

Àutri noum : Bourgenc, Rousàgi, Labruìssa, Bouis-fèr.

Noms en français : Rhododendron ferrugineux, Laurier-rose des Alpes.

Descripcioun :
Lou rousage, apela peréu bourgenc pèr li gavot, es un aubret que vèn bèn sus li terraire safrous de mountagno i raro di darriés aubre. I'a pas pèr s'engana.

Usanço :
Es uno planto empouisounanto pèr l'ome coume li bèsti (fedo, cabro, abiho..). Li fueio secado fan susa, pissa, luchon contro lou mau d'os e proun enca. Li flour soun emplegado en Souisso pèr alesti la "tisano dóu maien", emé de flour d'erbo-de-la-pato, de pensèio-dis-Aup e peréu de brout de serento.